قولفون نۇسقاسى
شينجياڭ كوركەمونەر تەاترحاناسى ءان-ءبي ۇيىرمەسىنىڭ تۇڭعىش ءبي تەاترى «اتلاس اڭىزى» 13-جەلتوقساندا رەسىمي قويىلدى
2017-12-15 كەلۋ قاينارى : ءتاڭىرتاۋ تورابى رەداكتور : قانات شايماردان ۇلى

  ارتيستەردىڭ ورىنداۋىندا ەكىنشى پەردە — «جەمىس باقشاسى»


 13-جەلتوقسان ساعات 21 دە، ءبي تەاترى « اتلاس اڭىزى» شينجياڭ كوركەمونەر تەاترحاناسىندا رەسىمي شىمىلدىعىن اشتى.

  شەشەسى تىم ەرتە دۇنيە سالىپ، اپەكەلى -ءسىڭلىلى تۇرمىستارى جۇپىنى وتكەن. ەكى تەنتەك قارىنداسى ءتۇستى جىبەك شارپىنى جىرتىپ تاستايدى، بۇنى كورگەن اكەسى قاتتى قايعىعا باتادى. شەشەلەرى تۇسىنە كىرەدى، كەزىندە اكەسىمەن تانىسقان كەزدەگى ءتۇستى كەمپىر قوساقتىڭ استىندا اكەسىن جۇباتىپ جاتادى. اكەسىنىڭ كوڭىلىن كوتەرۋ ءۇشىن، ىشتەي كىنالى بولعان قىزدارى ءتۇستى كەمپىرقوساققا ىزدەۋ ساپارىنا اتتانادى...

  وسىنداي اڭگىمەنى ارقاۋ ەتكەن تەاتردىڭ شىمىلدىعى وسىلايشا اشىلادى. ەكىنشى پەردە — «جەمىس باقشاسى» قاتارلى 5 پەردەدە ءۇش اپەكەلى-ءسىڭىلىنىڭ اتلاس ىزدەگەن جاپالى كەشۋلەرى باياندالعان، وسى ارقىلى تۋىستىق سۇيىسپەنشىلىكتىڭ، تاتۋلىقتىڭ، ماحابباتتىڭ قادىرىنە جەتۋگە جەتەلەگەن.

  تەاتردىڭ ءساتتى - ءساتسىز بولعاندىعى قالىڭ كورەرمەننىڭ قىزعىندىلىعى بەلگىلەيدى،-دەدى كورەرمەن حاۋ جيانحاي. حاۋ جيانحاي تەاتردا اكەسىنىڭ ۇلكەن قىزىنىڭ ويانۋىن كۇتىپ تۇرعان كورىنىسى اكەلى -بالالى ەكەۋىنىڭ اراسىنداعى تەرەڭ سۇيشپەنشىلىكتى بەينەلەپ بەرگەنىن ايتتى. كورەرمەندەردىڭ تەاترعا كىرىپ، ءبي تەاترىنىڭ قۇدىرەتىن سەزىندىرۋ — ءدال رەجيسسەر ميھراي يبىرايىم ءۇمىت ەتكەنى ەدى.