قولفون نۇسقاسى
كۇنچى وزەنى : كورلا قالاسىنىڭ تىرشىلىك قاينارى
2018-04-14 كەلۋ قاينارى : ءتاڭىرتاۋ تورابى رەداكتور : تىلەك مۇراتبەك ۇلى

 

2018-جىلى 4-ايدىڭ 12-كۇنى، كۇنچى وزەنى كورلا قالاسىن كەسىپ ءوتىپ، تارىم ويپاتىنداعى لوپنورعا قاراي جىلجىپ اعۋدا

 

  2018-جىلى 4-ايدىڭ 6-كۇنى، كۇنچى وزەنىنىڭ ورتا، تومەن اعارىنا سۋ جىبەرۋ قىزمەتى رەسىمي باستالدى. كۇنچى وزەنىنىڭ ءبىرىنشى بولەك سۋ ىعىستىرۋ تورابىنىڭ توسپاسى كورلا قالاسىنا ورنالاستىرىلدى. كۇنچى وزەنى — بايىنعولىن موڭعۇل اۆتونوميالى وبلىسىنىڭ انا وزەنى بولىپ، باسى باعراش كولىنەن باستاۋ الىپ، كورلا قالاسى، لوپنۇر اۋدانىنان باسىپ ءوتىپ، سوڭىندا دۇنيەگە ايگىلى بولعان لوپنور كولىنە قۇيىلادى، جالپى ۇزىندىعى 942 كيلومەتر. كۇنچى وزەنىنىڭ ورتا، تومەنگى اعارى مەن تارىم وزەنىنىڭ تومەنگى اعارىنداعى حۋاڭمو وزەنى جاعالاۋىنداعى ورمانى بىرلىكتە «تارىم وزەنىنىڭ جاسىل دالىزىن» قالىپتاستىرىپ، كۋرۋككوم جانە تاكلاماكان ەكى ۇلكەن ءشولدىڭ تۇتاسىپ كەتۋىن ءونىمدى تۇردە توستى. 2015-جىلدان باستاپ، وبلىستىق حالىق ۇكىمەتى مەن تارىم وزەنى الابىن باسقارۋ مەكەمەسى ءۇرتىس ءۇش جىل بويى كۇنچى وزەنىنىڭ ورتا، تومەنگى اعارىنىڭ ەكولوگيالىق سۋدى تولىقتاۋ قىزمەتىن اتقارۋعا ۇيىمداستىردى، جالپى جىبەرىلگەن سۋ مولشەرى 732 ميلليون تەكشەمەترگە جەتتى. ەكولوگيالىق سۋدى تولىقتاۋدان كۇنچى وزەنىنىڭ ورتا، تومەنگى اعارىنىڭ جەر استى سۋ دەڭگەيى ءونىمدى تۇردە تولىقتانىپ، وزەن اعارىنا 100—600 مەتر عاشىقتىقتاعى جەر استى سۋىنىڭ دەڭگەيى 7.39 مەتر - 0.54  مەتر كوتەرىلىپ، توراڭعى ورمانى ەكولوگياسىنىڭ تابيعي قالپىنا كەلۋ قۋاتى جوعارىلادى ءارى جاقساردى.